Tuesday, August 14, 2007

استفتاح


يا هاي

ازيكم جميعا ً ؟؟

- على اعتبار إن فيه ناس و كده يعني -

عاملين إيه ؟؟
طيب

على اعتبار إنكم كويسين و الحمد لله نخش في المهم على طول

كنت فكرت من فترة كبيرة إني ممكن أصمم بلوجات لأصحابي بما إني بأعرف أصمم و أهو يفتكروني و بتاع

بس كأي فكرة بتكون بدايتها صغيرة كانت دي بداية فكرة أكبر

من فترة جاني على الشات بوكس كلام بمعنى ليه ما تنزلش طريقة عمل الإضافات للبلوجات و كده

ففكرت إني أعمل ده كل شوية في بوست

ثم لقيت إن عمل بلوج خاص بكده أفضل

و إن الأفضل إن البلوج يقدم خدمة تصميم البلوجات مجانا ً لأي بلوجر محتاج يعمل تصميم للبلوج بتاعه

مبسوط جدا ً من تشجيع البعض و حماس البعض الآخر طبعا ً على رأسهم نهى جمال - البنت دي ديزاينر جامد جدا ً يا جماعة بجد - و هي عرضت إنها تكون شريك في الحلم

أنا أتمنى إن الموضوع ده يكبر

الموضوع مش مقفول علينا اللي شايف إنه عنده استعداد يشاركنا في الحلم إحنا منتظرينه و مرحبين بوجوده

بصوا الكلام الافتتاحي بيكون صعب جدا ً و مشتت لكن أتمنى إن هدف البلوج يوصل للجميع

البلوج إن شاء الله هيقدم أكتر من شئ طبعا ُ تصميم البلوجات و عمل الإضافات ليها و الرد على أي تساؤل يوصلنا و
البقية تأتي

انتظرونا يابشر

أي حد عايز يعمل تصميم للبلوج بتاعه أو عنده أي استفسار

ممكن يتواصل معانا عن طريق الإيميل معانا

المطلوب منك إنك تبعت إيميل فيه المواصفات اللي إنت عايزها زي اللون / الشكل / ... إلخ
شوف إنت عايز البلوج يقول إيه و إحنا نحوله لتصميم
مفيش حد بيقدر يعمل حاجة لوحده

منتظرينكم كلكم معانا

نشوفكم على خير

21 comments:

mohamed kamal hassan said...

مبسوط إنى أول واحد يعلق على حلمك

muse said...

هو حلمه شماعة؟
مبروك عليك تصميم بلوجى:)

عين ضيقة said...

يارب تفضل قادر تحلم على طول

الفكرة حلوة جدا على فكرة

وإن شاء الله هنفَّعك قريب

فين الاتنين جنيه ونص؟
أسيح بقى؟

ياللا تصبح على خير ومبروك

moony said...

جزاكم الله كل خير ..ويارب دايما تحققوا احلامكم الجميلة كلها.. انا فعلا كنت بفكر من فترة انى عايزة اضيف حاجات كتير للبلوج ماعرفتش وحاولت ومنفعش.فكرتكم تجنن بجد ,ربنا يسعدكم قد مامجرد فكرتكم أسعدتنى انا شخصيا.

تحياتى الجمة...

معانا said...

محمد بيك كمال
و أنا سعيد جدا
دايما سباق يا باشا

معانا said...

شيكو
ماعلينا

معانا said...

عين ضيقة
منتظرين يا ستي تنفعينا
هم مش كانوا نص جنيه و سامحتي فيه
الله
إيه التسييح العلني ده
ثم دانتي مسلفاهولي ع الشات يا شيخه
يلا
اعرف صاحبك و علم عليه بقى
و انتي من اهله
الله يبارك قيكي

معانا said...

موني
تعليقاتك دايما بتحمل شحنة إيجابية جميلة
دمت بخير
و يا ريت تتفاعلي عن طريق الايميل و احنا نساعدك في اي حاجة انتي عايزاها

وشوشني said...

مبروووووووووووووووووووووووووووووك
مبروووووووووووووووووووك
مبرووووووووووك
ربنا معاكم وبالمناسبه انا عندي مشلكه على البلوج عايزاك يا محمد تبقا تقولي يعني عشان مش عارفه اعمل ايه المهم ابقا اشوفك على الميل
باي باي

معانا said...

الله يبارك فيكي يا مريم
أكيد إن شاء الله

moony said...

السلام عليكم.. لو سمحت ياجماعة انا كنت عايزة اسئلكم ..انا كنت عامله سلايد شو عبارة عن.. "البوم فيه صفح بتتقلب" وكنت عايزة احطه فى السايد بار ومعرفتش ,اتبعت الخطوات اللى موجودة فى الموقع لقيته ضافه على انه بوست..احطه ازاى فى السايد بار؟؟
معلش سؤال تانى .. الصورة اللى بتعبر عن المودنين وبتظهر مع اسمهم ..فى صورة عندى ع الجهاز كنت عايزة احطها معرفتش ..وفى واحدة رفعتهالى على موقع حاولت احط لينك الموقع ده ع البروفايل وبرضه الصورة ماتضافتش .. ياترى احطها ازاى؟؟ اسفة للاطاله وجزاكم الله خيرا .ربنا يوفقكم."

متغيرة شوية said...

جميل قوي يا جماعة
وهناحتاجها نحن الجهلة في كل ما يخص التكنولوجيا بشدة

انتظروني قريبا بطلبات وكده

صاحب البوابــة said...

فكرة اكثر من رائعة

تحياتي

معانا said...

هاي موني
بالنسبة للسؤال الأول ممكن تنزلي السلايد شو باتباعك للصور
دي
أما موضوع الصور فارفعيها على الموقع
ده
و حطيها في البروفايل هتشتغل إن شاء الله

معانا said...

متغيرة شوية
منتظرينك يا سلمى

معانا said...

صاحب البوابة
ميرسي جدا
و اسعدنا اعجابك بالفكرة

fawest said...

يا عم محمد مسمعتش منك
حس و لا خبر

مادو said...

ههههههههههههههه
لو صبر القاتل ع المقتول كان مات من غيظه
أفتكر كده خلاص يا باشا
و عامة سوري على التأخير

ضاربها طبنجة said...

الفكرة تجنن ... و بجد انا فرحت ان في ناس لسة بتحلم ... و ياريت تعتبرونى صديق البرنامج ... قصدى صديق البلوج ... بس انتوا عاوزين شوية دعايا ... انا هحاول أعمل اللى يقدرنى عليه ربنا ... و يا سلام لو تعملولى بانر أحطه فى المدونة عندى و أحاول انشرهولكم و كدة ... علشان بجد انا فرحت ان فى بلوج (( مصرى )) بيعمل اللى انتوا بتعملوه ده
معلش بقى طولت عليكم ... استمروا و ربنا يوفقكم

midoham said...

اهنيكى على مدونتك
رائعه جدا
تسلم ايدك
انا برده مصمم جرافيك محترف ومبرمج
ولكن مجاش فى بالى خالص ان اصمم بلوج
ولكن كنت متخصص تصميم منتديات وهو طبعا بيختلف شويه عن البلوج
عموما انتى اعطتينى خيط
تقبلى مرورى

كبرياء انثى said...

السلام عليكم ورحمة الله الاخوه الاعزاء نهى ومادو معجبه جدا بنشاطاتكم واعمالكم وانا فعلا حابه اتعاون معكم ولدي طلب انكم تساعدوني في تطوير مدونتي الشعريه الخاصه انتظر ردكم بليز اختكم من السعوديه نجاة puor.angle@hotmail.com